Срце од шприцови: Моќна фотографија од близначиња зачнати со ин витро во „Њуборн Клиника“ во Скопје

Многу парови минуваат низ исклучително тежок, исцрпувачки и емотивен пат додека да се остварат во улогата на родители. Тоа е пат исполнет со безброј прашања, стравови, но и со надеж која никогаш не згаснува.

Семејство кое ги доби своите близначиња со помош на ин витро оплодување во „Њуборн Клиника“ во Скопје, сподели моќна фотографија која никого нема да го остави рамнодушен. На неа, малите близначки Василија и Ангелија безгрижно спијат во центарот на едно големо срце направено од десетици шприцови од инјекциите кои нивната мајка морала да ги прими во текот на целиот процес за да ги донесе на свет.

Фотографијата ја објавија од самата клиника, пренесувајќи ги силните емоции и огромната благодарност од родителите до д-р Татјана Гуржанова.

„Најголемо благодарам до прекрасната докторка Татјана Гуржанова која беше наша најголема поддршка во целата бременост. Секогаш достапна, позитивна беше лек за нашиот страв и мир за едно нетрпеливо мајчино срце кое веќе преживеало една загуба. Докторката ни ја врати надежта и нема зборови со кои може да ѝ се заблагодариме. Голем поздрав од Василија и Ангелија, а ние ќе ве споменуваме во нашите молитви и засекогаш ќе имате посебно место за нас. Господ да ве благослови“ – стои во искрената порака од мајката.

Тимот на „Њуборн“ со огромно задоволство порача:

„Нема зборови кои можат да го опишат чувството кога ќе прочитате вакво искрено признание. Стравот го заменуваме со мир, а неизвесноста со двојна радост. Најголема благодарност до семејството за прекрасните зборови упатени до д-р Татјана Гуржанова. Вашата среќа со Василија и Ангелија е наш најголем успех!“