Спектакуларно шоу: Целосната ревија на Victoria’s Secret 2017

Ревијата на Victoria’s Secret секоја година привлекува мултимилионска публика со екстравагантните костими и атрактивните модели.

Годинава, шоуто се одржа во Шангај, Кина, а вклучуваше шест сегмента - „Goddesses“, „Punk Angel“, „Porcelain Angel“, „A Winter's Tale“, „Millennial Nation“ и „Nomadic Adventure“.

Алесандра Амбросио дефилираше за последен пат со ангелите Адријана Лима, Алесандра Амбросио, Лили Олдриџ, Елза Хоск, Џасмин Тукс, Жозефин Скривер, Марта Хант, Стела Максвел, Тејлор Хил, Сара Сампајо, Роми Страјд и Лаис Рибеиро, но и десетици други колешки, меѓу кои Бела Хадид, Бланка Падиља, Даниела Брага и Карли Клос.

Видео

Многу се зборуваше за паѓањето на една од манекенките на пистата (19 минута во видеото). Додека дефилираше, моделот Минг Си се лизна од долгата наметка и падна. Познатата Кинезинка веднаш се исправи и продолжи гордо да дефилира покрај своите колешки, за што доби гласен аплауз. Но, во видеото е покажано и дека пролеа солзи веднаш штом се сокри од погледите на публиката.