Кралицата Летиција уште еднаш докажа дека вистинскиот стил не бара екстравагантност, туку умешна комбинација на софистицираност, современост и пристапност. За настан во Мадрид, кралицата на Шпанија избра едноставна креација идеална за летните горештини.
Фустанот со асиметрична линија нежно го открива едното рамо, носејќи суптилна доза на сензуалност во рамките на дневна естетика. Интересното е што креацијата доаѓа од брендот Mango и минатото лето на намаление чинеше околу 22 евра.
Неутралниот стајлинг Летиција го надополни со еспадрили на платформа, кои станаа неизоставен дел од нејзиниот моден израз секое лето.
Со овој стилски погодок, популарната припадничка на шпанското кралско семејство покажа како балансира помеѓу елитна мода и достапни парчиња, без да изгуби ни трошка од својата кралска аура.
Истиот фустан Летиција минатата година го искомбинира со поелегантни бели сандали за поотмен изглед.
