Годинава ангелите ќе дефилираат во Париз. За првпат спектакуларното шоу на Victoria’s Secret ќе се одржи во Градот на светлината и љубовта.
Целата ревија ќе биде емитувана на телевизијата CBS на 5 декември. Сè уште не е потврдено на кој датум ќе се снима шоуто, но се шпекулира дека е 30 ноември.
Покрај искусните ангели Адријана Лима, Алесандра Амбросио и Лили Олдриџ, на ревијата ќе ги видиме и 10-те нови ангели Тејлор Хил, Стела Максвел, Роми Страјд, Сара Сампајо, Моника Џак Јагачак, Џасмин Тукс, Лаис Рибеиро, Марта Хант, Екатерина Григориева и Елза Хоск.
Не се знае дали Кендис Сванапул и Беати Принсло ќе учествуваат во ревијата, бидејќи неодамна се породија. Но, имајќи ја предвид историјата на ангелите, сигурно ќе бидат во топ форма за снимањето на спектаклот.
