Сопругата на Франц стана згодна бодибилдерка: По две родени деца, ослабе 16 килограми и освои 4 медали
Сопругата на Владимир Крстевски – Франц од Нокаут зачекори во светот на бодибилдерството.
По двете бремености и раѓањето на двете ќеркички, Ема Петреска одлучи да направи голема животна промена. Згодната фитнес зависничка, која веќе неколку години живее во Лос Анџелес заедно со поранешниот член на Нокаут и двете ќерки, ослабе 16 килограми и стана бодибилдерка.
Нејзиниот труд и дисциплината вродија со плод, па на своето прво натпреварување освои 4 медали во бодибилдинг со кои се пофали на социјалните мрежи.
На самиот настан, најголема поддршка ѝ беа Франц и ќерките, кои ја бодреа од публиката со рачно изработени плакати на кои пишуваше колку се горди на неа и дека таа е нивната кралица.
„Првпат се натпреварувам и освоив 4 медали! Многу сум благодарна за ова патување. Овој спорт ми го освои срцето. Научив што значи дисциплина и што може да постигне конзистентноста. Ова беше најтешкото нешто што некогаш сум го направила и сум неверојатно горда. Ослабев околу 16 килограми за речиси 5 месеци и изградив природна, мускулеста фигура. Сега знаете зошто тренирам толку напорно.“
„Длабоко сум благодарна на моето семејство, мојот неверојатен сопруг и моите две прекрасни ќерки, кои ме поддржуваа изминативе пет месеци“ – напиша Ема.
Франц и Ема се во брак од 2014 година, а нивниот живот далеку од татковината често привлекува внимание на социјалните мрежи.
