Софистицирана дама: 63-годишна адвокатка од Хрватска докажува дека стилот само се подобрува со годините

Професионализам, успех, моќ, отменост и женственост се зборови кои асоцираат на името на Јадранка Слоковиќ. 63-годишната адвокатка од Хрватска покрај тоа што зад себе има долгогодишна успешна кариера, поседува стил кој не останува незабележан и постојано ѝ носи само позитивни критики.

Токму поради префинетите и отмени комбинации Хрватите милуваат да ја нарекуваат „дама со непогрешлив стил“. И покрај тоа што чекори во седмата деценија од животот, Јадранка вешто комбинира модни парчиња кои се во склоп со актуелните трендови.

Слоковиќ посветува големо внимание на изборот на модните детали, со кои одлично го комплетира својот стајлинг. „Не ми се допаѓа ништо што делува евтино. Не се однесува тоа само на цената на моделот. Некој купува автомобили, некој злато и брилијанти. Јас сакам облека, за разлика од некој кој нема купено ништо поскапо од пет фунти, но вози Ферари“ – изјавила познатата Хрватка.

„Денски ја носам својата работна униформа – црно, темносино или сиво одело и бела кошула, а со тоа доаѓа и наметка. Таа мора да биде голема, мека и удобна. Сакам големи капути, машки капути“ – вели Јадранка.