„Со срце за Цобе“: Апел за помош на 38-годишниот Цобе кој боледува од рак на коските

Животот знае да биде немилосрден. Слободан Попов наместо да ужива во благодетите на семејниот живот и радоста со сопругата и со 5-годишната ќерка, тој води тешка борба за живот.

38-годишниот Цобе веќе 10 години се бори со остеосарком, чест вид на рак на коските.

„Драги пријатели, сакам да Ве замолам за помош, бидејќи веќе 10 години се борам со остеосарком. Имам 38 години, татко сум на 5-годишно девојче, сопруг, брат, син. По цела борба со оваа болест, по 2 неуспешни операции, сепак успеав да најдам начин како да ја победам оваа болест. Од минатата година сум на третман со онкохипертермија и хемотерапија која дава одлични резултати и која ми дава надеж да ја погледнам иднината во очи. Меѓутоа, сето ова чинеше многу финансиски средства и за конечната борба, односно операција, која треба да се направи што поскоро, се надевам август или септември. Оваа операција чини 50.000 евра, кои не сум во можност да ги обезбедам. Ве молам за Ваша помош со што повторно ќе можам да се радувам и да уживам со мојата ќеркичка. Однапред Ви благодарам на помошта“ – пишува Цобе во апелот на GoFundMe.

Ајде да помогнеме и да издвоиме колку што можеме средства за Цобе. Нашата донација од срце за него значи многу!