Со рози во рацете и искрени прегратки: Дечиња од Србија ја изненадија воспитувачката од градинка на нејзината свадба
Децата не умеат да глумат емоции. Кога сакаат некого, тоа го покажуваат со најискрените прегратки и најшироките насмевки. Токму затоа видео од Крагуевац, во кое група малечки ја изненадуваат нивната воспитувачка допре до срцата на илјадници луѓе.
Станува збор за воспитувачката Милена, која на нејзината свадба доби неочекувани гости, а моментот ќе го памети цел живот. Дечињата од градинката во која работи пристигнаа на прославата држејќи се за раце, а секое од нив носеше роза. Кога среќната невеста ги здогледа, веднаш заплака од радост.
Малечките почнаа силно да ја гушкаат, а грижливата Милена не пропушти посебно да се поздрави со секое дете, со што само покажа дека врската која ја изградила со нив не завршува на вратата од градинката.