Смело или смешно? Сите гледаа во стапалата на Маргарет Кволи, „босоногите“ сандали станаа хит и поттикнаа шеги онлајн
Маргарет Кволи привлече огромно внимание со своето појавување на црвениот тепих на премиерата „The Dog Stars“.
На црвениот тепих во Лондон, 31-годишната актерка се појави во впечатлив црн фустан со реси од Шанел, но сите погледи беа насочени кон нејзините необични „обувки“.
Кволи носеше таканаречени „босоноги чевли“ од колекцијата Resort 2027 на француската модна куќа. Дизајнот го остава речиси целото стапало откриено, а има само минималистички дел околу петицата заврзан со тенки ремчиња.
Обувките на дизајнерот Матиe Блази предизвикаа големо внимание уште на модната писта, а Кволи е меѓу првите познати личности кои решија да ги носат на црвен тепих.
Овој изглед доаѓа и при нејзиното прво појавување на црвен тепих откако во јули беше потврдено дека се разделила од сопругот Џек Антоноф по речиси три години брак. Таа не ја носеше бурмата.
На социјалните мрежи веднаш почнаа да се редат шеги за „сандалите“.
„Што е класа ако си богат, а ѓубре ако си сиромашен? Да се појавиш на работа без обувки“, „Кој те натера да го носиш ова? Зошто се согласи?“, „Лута сум што овие ги нарекуваат обувки“, „Чевли? Побрзо се капи за стапала“, „Помислив на градник за стапала“ – ова се само дел од коментарите онлајн.
