Сложни бивши: Заводникот Вилијам Леви и Елизабет Гутиерез се обединија за 16-тиот роденден на ќерката

Вилијам Леви и Елизабет Гутиерез се доказ дека семејството секогаш треба да биде на прво место. 

Иако веќе не се заедно, славните актери се обединија за да ѝ приредат незаборавна прослава на ќерката Кајли за 16-тиот роденден. Поранешниот пар заедно позираше со двете деца.

Гламурозната забава се одржа во Мајами, а атмосферата беше како од бајка. Кајли блескаше во впечатлива црвена балска тоалета украсена со вез, светки и реси од Suzelle Taveras, дополнета со сребрена тијара.

Просторот беше уреден со проѕирни столчиња, бел сјаен под и шарени светлосни ефекти за луксузна и софистицирана атмосфера.

„Им благодарам на мама и тато што ми ја направија ноќта толку посебна и благодарам на сите останати што дојдовте, ми значите цел свет!! Посакувам да можевме сето тоа да го доживееме повторно!!“ - напиша славеничката на Instagram.

Леви и Гутиерез ја завршија својата долгогодишна врска во 2024 година, по повеќе од две децении заедно, но останаа во добри односи за доброто на децата.

Младата Кајли веќе чекори во светот на моделингот и актерството.