Сложни бивши: Ирина Шајк и Бредли Купер повторно заедно за Халовин со маскираната ќеркичка
Иако нивната љубовна приказна заврши пред 7 години, Ирина Шајк и Бредли Купер и понатаму покажуваат дека ќеркичката им е приоритет и по разделбата.
Како секоја година, така и оваа, поранешните партнери го поминаа Халовин заедно со нивната ќерка Леа.
Ирина се маскираше во ѓавол. 40-годишната манекенка носеше тесен латекс-костим кој совршено ја следеше нејзината фигура, црвени чевли со високи потпетици и рогови како дел од маската.
„Ангел преправен во ѓавол“ – напиша таа на Instagram, алудирајќи на нејзиното појавување на ревијата на Victoria’s Secret.
Бредли избра многу помистериозна маска. 51-годишниот актер го сокри лицето зад маска со череп и носеше бела наметка со качулка. Нивната 9-годишна ќерка Леа беше облечена како ангел во бел фустан и крзнено палтенце, а на грбот носеше крилја.
Ирина, Бредли и Леа беа фотографирани во њујоршката населба Вест Вилиџ, во која заедно ги посетувале домовите и собирале слатки, продолжувајќи ја семејната традиција за Ноќта на вештерките.
Ирина и Бредли ја започнаа врската во 2015 година, а во март 2017 година ја добија ќерката Леа. По 4 години љубов, двојката се раздели во 2019 година, но тие останаа пријатели за доброто на Леа.
Ирина во неколку наврати отворено зборуваше за нивното заедничко родителство, нагласувајќи дека најважно им е нивната ќерка да се чувствува сигурно и сакано.
Во интервју за магазинот „Elle“ во 2023 година, манекенката со пофални зборови зборуваше за актерот, нарекувајќи го „најдобриот татко за кој Леа и јас можеме да сонуваме“.
Таа тогаш истакна и дека нивниот договор како родители функционира затоа што двајцата се подготвени да вложат труд.
„Секогаш функционира затоа што ние правиме да функционира“ – изјави Шајк.
Холивудскиот актер веќе неколку години е во врска со супермоделот Џиџи Хадид, со која неодамна поттикна гласини за можна свршувачка или брак.
