Понекогаш победата воопшто не е важна. Таков е случајот со 11-годишната Вакана Уеда, која и покрај тоа што е слепа, успеа да го заврши маратонот во Хонолулу.
На упорното девојче му беа потребни 14 часа, 3 минути и 12 секунди за да стигне до целта и да ја скине лентата украсена со цвеќиња. Вакана во текот на целата трка го следела гласот на мајка си која ја водела кон целта.
Вакана Уеда со својата мајка
„Пред ознаката за половина маратон, таа имаше грчеви во ногата и многупати размислуваше да се откаже. Но, затоа што нејзиниот тим ја поддржуваше, таа успеа да го заврши маратонот“ – изјавила нејзината мајка.
Вакана во прегратката на мајка си
Оваа трка е петтиот по големина маратон кој се одржува во САД, а Вакана беше меѓу 19-те илјади луѓе кои успеаја да ја преминат целта. Иако оние кои први ја завршија трката долга 42 километри беа веќе заминати кога Вакана ја премина целта, самото нејзино завршување е голема инспиративна победа.