Шакира и Керол Џи се здружија за нов дует. Славните Колумбијки ја објавија песната „TQG“ (Te Quedó Grande), заедно со спотот за истата.
Музичките ѕвезди пеат за неверствата на мажите, за неповторувањето на грешките во љубовта, како и за тоа дека љубовните разочарувања нè прават посилни личности.
Поради текстот, нивните фанови претпоставуаат дека се работи за песна посветена на нивните бивши партнери Жерар Пике и Ануел АА.
„Бејби, што се случи? Зошто ме бараш кога знаеш дека јас не ги повторувам грешките? Кажи ѝ на твојата девојка дека јас не се натпреварувам за мажи“ – пее Шакира.
Шакира и Пике се разделија во јуни оваа година, откако беше откриено дека тој ја изневерува со Клара Чиа Марти. Керол Џи се раздели од познатиот рапер во 2021 година, по 2-годишна врска.
