Слаткар со роденденски честитки за свој фан откако доби порака од синот: „Среќен роденден Александар, имаш прекрасно дете“

Марко Маринковиќ-Слаткар и покрај сите ангажмани поврзани со филмот и објавувањето на новата песна најде време да му ја исполни желбата на свој голем фан.

Македонскиот пејач доби порака од Кирил Танчев кој го замоли да сними видео со роденденски честитки за татко му, кој бил негов голем обожавател. Се разбира, Слаткар без двоумење го направи тоа, а видеото го сподели на Instagram Story.

„Среќен роденден Александар. Да си жив и здрав. Имаш прекрасно дете. Имаш многу добро воспитано дете, а по тоа се гледа дека си добар татко“ – рече музичарот и му испрати бакнеж на славеникот.

Еве ја пораката од Кирил за Слаткар:

Добар ден Слаткар,

Сакав да те замолам, доколку имаш време и можност, дали би можел да снимиш едно кратко видео за мојот татко Александар и да му го честиташ роденденот? Тој е твој голем фан и многу би му значело да добие честитка од тебе. Би му направил огромно изненадување и би му го разубавил денот. Ти благодарам однапред и ти посакувам сè најдобро!

Инаку, вчера Слаткар ја објави песната „Верувај“, а на прес-конференцијата зборуваше и за филмот за неговиот живот за кој доби бројни критики затоа што требаше да се снима со поддршка на Агенцијата за филм.

Тој сподели дека филмот ќе се снима без државните средства, со помош на пријателите и публиката.

„Светот ќе го чуе гласот на најтивките“ – напиша тој.