Сладок гест: Директорка на училиште од Македонска Каменица им подарува рози на полуматурантките
Александра Ѓеоргиевска, директорката на основното училиште „Св. Кирил и Методиј“ од Македонска Каменица, со специјален поздрав ги испрати полуматурантите на големата прослава.
Во видео објавено на социјалните мрежи, таа им подарува на полуматурантките по една роза, а на полуматурантите им посакува среќа и успех. Убавиот гест доби многу пофалби.
„Директорката на ООУ „Св. Кирил и Методиј“ им посака среќа и успех на нашите полуматуранти, а на полуматурантките им подари цвеќе како симбол на убавите спомени и новите почетоци. 💐🎓✨
Среќно, генерацијо 2026!“ – стои во описот на видеото објавено од kamenica24.mk.