Синот на Ели Сааб се ожени: Ѕирнете во свадбените прослави на кои невестата блескаше во 4 креации од либанскиот дизајнер
Ели Сааб Џуниор стапи во брак со Кристина Мурад во Бејрут, Либан.
Најстариот син на дизајнерот Ели Сааб се ожени за време на тридневни гламурозни прослави.
За време на црковната церемонија, невестата носеше спектакуларна венчаница од својот свекор, која беше рачно изработувана 450 часа. Задниот дел на фустанот е долг 4,5 метри.
Видео од црковната прослава
Подоцна, на вечерната прослава во „Ociel Venue“, Кристина блесна во уште едно ремек-дело од Сааб, инспирирано од последната колекција висока мода за сезоната есен/зима 2019-20. Фустанот беше изработуван 330 часа.
Видео од свадбата
Прославите започнаа со забава во клубот „Le Plateau de Bakish“ во либанското еко-село Бакиш. Невестата носеше бел комбинезон со златен колан и наметка од врвниот либански дизајнер.
Видеа
Славењето заврши вчера со забава покрај базен на која невестата повторно одушеви во сина креација од Сааб.
Видео од прославата покрај базен
Меѓу славните гости беа Дита Вон Тис, Тони Гарн, Сара Сампајо, Каролина Куркова и либанската блогерка Лана Ел Сахели.