Сиена Милер на 44 години го доби третото дете со 16 години помладиот партнер: „Лудо сум заљубена“

Сиена Милер по третпат стана мајка на 44-годишна возраст. 

Британската актерка тајно се породи, а среќната вест ја сподели во разговор за E! News додека го промовираше новиот филм „Tom Clancy's Jack Ryan: Ghost War“. Во интервјуто, Сиена откри дека неодамна роди бебе.

„Се случи. Имам малечко бебе покрај себе. Тешко ми е да составам реченици бидејќи речиси и не спијам, но лудо сум заљубена во бебето“ – изјави таа, но не го откри името, ниту полот на бебето.

Милер сподели дека е бремена на почетокот од декември минатата година, кога се појави на Модните награди во Лондон со пораснато трудничко стомаче.

Ова е второ дете за Милер и нејзиниот партнер Оли Грин, кој е 16 години помлад од неа. Парот веќе има 2-годишна ќерка, а таа е и мајка на 13-годишната ќерка Марлоу од претходната врска.

Милер во минатото отворено зборуваше за притисокот кој жените го чувствуваат кога станува збор за мајчинството во подоцнежни години, нагласувајќи дека општеството често има предрасуди кон жените кои добиваат деца по 40-тата година.