Северина емотивна: „Бев една од ретките мајки во светот која не смееше гордо да објавува фотографии од својот син“
Северина со силни емоции ја отпеа „Rodjeno moje“ во Загреб.
Хватската музичарка ја распеа и разнежни публиката со баладата посветена на синот Александар додека во позадина течеа досега невидени интимни снимки и фотографии од неговото растење.
„Ние поминавме еден тежок животен пат, но тој сега е со мене, израсна во еден прекрасен тинејџер“ – рече Северина.
Талентираната пејачка сподели видео на социјалните мрежи, а во описот напиша:
Бев една од ретките мајки во светот која не смееше гордо да објавува фотографии од својот син. За среќа, на крајот ја добив дозволата од најважната личност – моето дете. Дозвола посилна од кој било закон и бирократ. И конечно повторно живееме среќно и убаво.
За жал, многу жени и понатаму се во маѓепсан круг на бездушен и корумпиран состав – од социјални служба до судови. Без средства за финансирање на бесконечни постапки и надеж за правда. Многу од жените често остануваат осамени во нивната борба, целосно исцрпени финансиски и психички. Единствено ги грее детската љубов. И мене таа ме одржа да издржам сè.
Љубовта секогаш го победува злото.
Благодарам Загреб.
Благодарна сум за сè...
Северина со години водеше битка со поранешниот сопруг Милан Поповиќ за старателството над Александар. Во 2018 година, судот донесе неправедна одлука да ѝ биде одземено целосното старателство, а детето половина од времето да поминува со Милан. Северина веднаш мораше да го предаде синот на татко му, но не се откажа, туку ја продолжи својата битка и на крајот победи.
На концертот во Сплит, на крајот од октомври, Северина рече:
„Сега песна за најважниот маж во мојот живот. Неговото срце чукаше под моето. Повеќепати се обидоа да ми го одземат, но по 12 години борба – мојот син живее со мене.“
