„Сестра ми умре?“: 10-годишната Матилда си играла пред да биде убиена пред очите на помалата сестра во масакрот во Сиднеј

Матилда Полтавченко е најмладата жртва во масакрот на плажата Бонди во Сиднеј.

10-годишното девојче било фотографирано во жолто фустанче додека си играло и се смеело, несвесно дека неколку моменти подоцна животот ќе му биде трагично прекинат. За време на масакрот во Сиднеј, таа била застрелана пред очите на нејзината помала сестричка Самер.

Тие јаделе слатки и галеле јариња кога се слушнале истрелите од напаѓачите кои подоцна ѝ го одзеле животот на Матилда. 

Сè се случи пред Самер, пред нејзините очи, таа виде сè... Прашуваше: „Дали сестра ми умре?“ – рекла тетката на девојчињата, Лина.

Според изјавите на семејството, Матилда била ведро и дружељубиво дете, го сакала училиштето и имала многу пријатели. Таа била позната по својата насмевка и по тоа што секогаш споделувала прегратки со најблиските.

Роднините и пријателите направиле сè што можеле за да го запрат крварењето пред Матилда да биде пренесена во Детската болница во Сиднеј. За жал, поради големата загуба на крв, и покрај донираната крв од пријателите, лекарите не успеале да ѝ го спасат животот. 

Терористичкиот напад на плажата Бонди се случил за време на собир по повод еврејскиот празник Ханука. Двајца напаѓачи, татко и син, започнале да пукаат во насобраните луѓе и убија 15 лица. Повредени се 42 лица кои се хоспитализирани.