Серена Вилијамс и Алексис Оханијан ја крунисаа својата љубов со брак. Парот се заколна на вечна љубов пред околу 250 гости во Њу Орлеанс.
Темата на свадбената прослава на 36-годишната тенисерка и 34-годишниот основач на Reddit била „Убавицата и ѕверот“.
На свадбата присуствуваа многу славни личности, меѓу кои Ева Лонгорија со сопругот Хозе Пепе Бастон, Бијонсе, Ким Кардашијан, Ана Винтур, Сиара, Кели Роланд, Синтија Ериво, Каролина Возњацки и Селита Ебанкс.
За секој од присутните бил предвиден по еден златен трофеј.
Засега нема објавени фотографии од младенците.
Серена и Алексис се заедно две години. Пред два месеци тие го добија првото дете - ќеркичката Алексис Олимпија Оханијан Џуниор.
