Серена Вилијамс послаба отсекогаш во едиторијал, сподели дека стопи 14 кг со инјекции за слабеење

Серена Вилијамс со огромна самодоверба позираше за PORTER.

44-годишната поранешна тенисерка изгледа послабо отсекогаш во модниот едиторијал откако неодамна сподели дека ослабе 14 килограми со помош на инјекции за слабеење.

Серена позираше во костим за капење и во тесни креации кои ѝ го истакнуваа телото.

Но, Вилијамс не била отсекогаш самоуверена и задоволна со изгледот, а во младоста честопати се соочувала со негативни коментари за нејзината физичка градба.

Беше тешко затоа што кога почнав да играм, во првите 15 години, моето тело беше поинакво. Имав големи гради; имав голем задник. Сите спортистки беа супер рамни, супер тенки и убави, но на поинаков начин. Не разбирав како да се справам со тоа како спортист.

Тоа ти влијае на психата. Апсолутно. Мислиш дека си покрупна целиот твој живот, а потоа се навраќаш наназад и си велиш: „Бев фит“. Да, имав големи мускули. Не изгледав како другите девојки, но не изгледаат сите исто.

Кога имав 17 години... си реков дека никогаш нема да прочитам ништо за себе. Сакав да останам приземна. Исто така си реков, ако е негативно, не сакам да го читам. Оттогаш навистина никогаш не прочитав ниту една статија.

Покрај тоа што е поранешна спортистка и сегашна бизнисменка, Серена е и максимално посветена мајка на нејзините две ќерки Олимпија и Адира. 

Сакам да сум со моето семејство. Готвам секоја вечер кога сум дома. Дома сум 29 вечери во месецот… Понекогаш ќе летнам до Њујорк, ќе го завршам тоа што треба, и ќе се вратам дома навреме за вечера – рекла Серена.