Зухаир Мурад детално визуализираше стилска женска фантазија и мајсторски ја донесе во реалноста. Либанскиот дизајнер претстави магична ресорт колекција во која секоја дама ќе си пронајде омилена креација.
Забавно експериментирање со модернистички силуети, вешто вметнување на сензуални отсечоци и тантели, имплементирање на широка палета на бои која асоцира на волшебно зајдисонце, употреба на динамичен диско блесок, препознатлива игра со беспрекорна елеганција... Мурад не знае да разочара.
Како своја инспирација, тој ги посочува природата и делата на италијанската уметница Карла Акарди и американската артистка Вирџинија Харамило.
Продрете со поглед во колекцијата ресорт 2023 и уште еднаш ќе се потсетите зошто Зухаир е миленик на дамите кои трагаат по запаметлив изглед.
