Зухаир Мурад ја става на пиедестал сензуалноста со колекција која ја истакнува женската фигура. „Глам-рок“, „Глам-барок“ и „Глам-график“ се трите концепти околу кои тој ја градеше новата колекција.
Освен што се инспирираше од ноќното лудило во Лос Анџелес, Мурад ги посочи како музи супермоделите од 90-тите години (Клаудија Шифер, Синди Крафорд, Наоми Кембел и Линда Еванџелиста).
Како и повеќето дизајнери, за колекцијата есен/зима 2016-2017, либанскиот „моден волшебник“ се посвети на смел стил со кожени јакни, транспарентност, џинс и реси. Сепак, не изостанаа елементите карактеристични за неговиот стил, па можеме да видиме комплексни извезени детали.
