Семејни фотографии: Близначките Маријана и Росана со родителите на 89. роденден на татко им

Маријана и Росана уживаат во прекрасни семејни моменти.

Сестрите-близначки, кои ни подарија многу безвременски хитови, го прославија 89-тиот роденден на нивниот татко Томе и споделија фотографии од специјалниот ден.

На една од фотографиите, Томе позира со сопругата Гордана.

„Бројката 89 е големка и уште толку многу да си ни здрав, жив татичко наш. Среќен роденден Томичко наш“ – напиша Маријана во описот.

Маријана веќе долги години живее во Австралија, а периодов престојува во Македонија. Познатите сестри ќе настапат во родното Куманово, заедно со Дац и Александар на 19 јули.

„После 34 године прв пут да запоемо сас Росанце у наше КУМАНОВО.

А разбира се сас нас су наши прекрасни Александар и Дац.

ДОМА у Куманово, а ја сам си и такој и вакој Дома“ - напиша Маријана на кумановски дијалект во објава за настапот.