Семејна забава: Сара Мејс сподели фотографии од својот роденден кој го прослави со сопругот и ќеркичката
Сара Мејс наполни 31 година.
Македонската пејачка го одбележа роденденот со мала семејна забава со своите најмили. На фотографиите и видеата споделени на Instagram, таа слави со својот сопруг Димитар Атанасовски и ќеркичката Илина.
„Не постои нешто што повеќе сакам од нив. Нив си ги посакувам за роденден. Да ми се здрави само“ – напиша Мејс во описот.
На последното видео, малата Илина ѝ пее на мајка си „Happy Birthday“ пред да ги дувне роденденските свеќички.
Димитар не пропушти да ѝ го честита специјалниот ден на саканата.
„Среќен роденден на нашата мајка кралица. Ти ја посакуваме целата среќа на овој свет“ – напиша тој.
Сара и Димитар се во брак четири години. Нивната ќерка се роди во септември 2018 година.
