Селин Дион вложува многу енергија за да остане повторно бремена. Канадската пејачка, која во моментот има 41 години, откри дека по четврти пат се обидува да остане бремена со помош на ин-витро.
„Се чувствуваме одлично и вложуваме многу енергија во ова. Но, ние веќе сме родители и иако сакаме да бидеме благословени повторно, не сме очајни.“
Пејачката на големиот хит „My Heart Will Go On“ изјави и дека нејзиниот осумгодишен син бил пресреќен, кога само пред неколку месеци таа објави дека е трудна. Но, за жал оплодувањето не успеало.
Можеби наскоро Селин и нејзиниот сопруг Рене (67г.) ќе се израдуваат со вест за успешна бременост.