Селена Гомез шармантна во виолетово на премиерата на документарецот за нејзиниот живот

Селена Гомез започна со промоција на документарниот филм за нејзиниот живот. 30-годишната актерка и пејачка шармираше во виолетова креација од Rodarte пред прикажувањето на „My Mind & Me“ во Лос Анџелес.

Во својот стајлинг, Селена додаде колоритни висечки обетки и блескави обувки и чантичка од Jimmy Choo.

„My Mind & Me“ ја раскажува приказната на Селена и предизвиците поврзани со нејзиното ментално здравје. Таа страдаше од депресија и анксиозност, а во 2020 година откри дека има биполарно растројство.

На Селена ѝ беше дијагностициран лупус во периодот меѓу 2012 и 2014 година. Во септември 2017 година, таа откри дека се повлекла од јавниот живот затоа што поминала низ трансплантација на бубрег заради лупус.

Погледнете го трејлерот за документарниот филм „My Mind & Me“: