Сè за љубовта: Јапонска принцеза се откажа од титулата и богатството за да се омажи со саканиот

Јапонската принцеза Ајако направи вистинска жртва во име на љубовта. За да се омажи со саканиот, таа мораше да се откаже од својата титула и богатството и стана обичен граѓанин на Јапонија.

28-годишната ќерка на принцот Норихито Такамадо и принцезата Хисако стапи во брак со својот партнер Кеј Морија во Токио и му докажа на светот дека кога станува збор за вистинска љубов, не постојат никакви граници и препреки.

Бидејќи Морија е обичен граѓанин и нема аристократско потекло, Ајако, според закон, мораше да се откаже од статусот, титулата, па дури и парите, за да се омажи за него. Сепак, таа ќе добие одредена сума за да започне нов живот. Ова правило не важи за машките членови на кралското семејство, кое брои 17 членови, од кои 11 се жени.

Невестата промени два традиционални аутфити за свадбата.