„Сè уште гори кога пее“: Васил Зафирчев импресиониран од концертот на бившата сопруга Калиопи
Васил Зафирчев и Калиопи Букле негуваат одлични пријателски односи и по разводот.
43-годишниот актер, познат по улогата во „Преспав“, не ги криеше импресиите од концертот на неговата поранешна сопруга.
Васил присуствуваше на музичкиот спектакл кој Калиопи го приреди во Белград, а оттаму двајцата споделија фотографии и видеа. На една од фотографиите, поранешниот брачен пар силно се прегрнува.
„И после 40 години музичка кариера, сѐ уште гори кога пее, како да ѝ е првпат. Затоа, сѐ уште силно блеска како сјајна ѕвезда на музичкото небо. Магична ноќ за паметење и фантастичен концерт синоќа во Белград!“ – напиша македонскиот актер.
Калиопи и Васил беа во брак од 2004 до 2011 година.
Фотографии: Instagram – Калиопи, Васил Зафирчев