Ако пред околу 15 години ја следевте хит-серијата „Млади бунтовници“, тогаш сигурно се сеќавате на буцкастата Фели. Фелиситас Митре ѝ беше најдобрата пријателка на Миа Колучи и честопати беше исмевана поради нејзината телесна тежина.
Денес, актерката која ја имаше улогата на Фели воопшто нема проблеми со тежината, ниту со самодовербата и слободно може да се каже дека изгледа одлично.
Анхелес Балбијани е мајка на 11-годишен син и во моментов работи како водителка во емисијата „Pampita Online“. 36-годишната новинарка постојано споделува фотографии на социјалните мрежи од кои се гледа дека се чувствува одлично во сопственото тело.
Неодамна, таа отворено зборуваше дека за време на снимањето на „Rebelde Way“ била исмејувана поради изгледот и дека се чувствувала многу лошо.
„Бев жртва на тортура, како на улица, така и меѓу моите колеги кои се шегуваа меѓусебно, кои не сфаќаа дека камерата е исклучена и продолжуваа да коментираат на некои од нашите состаноци. Имав 21 година и имав сила за да го толерирам тоа... На улица, имаше луѓе кои ме сакаа и други кои ми викаа и кои беа лути што им покажував дел од нив кој не сакаа да се види“ – рекла Анџи.
„Одбивам да живеам во општество кое не ми дозволува да се сакам и да се прифаќам онаква каква што сум. Во општество во кое жени напаѓаат жени наместо да се здружуваат со нив. Одбивам да го живеам животот критикувајќи се себеси, само затоа што модната индустрија вели така“ – пишува Анџи на Instagram.
