Светот го изгуби Ентони Бордејн, готвачот кој обожаваше да го истражува светот и секогаш ги пронаоѓаше најневеројатните места за гурманска храна и добар пијалaк.
Имаше 61 година.
Тажната вест ја потврди CNN со соопштението: „Со огромна тага можеме да ја потврдиме смртта на нашиот пријател и колега Ентони Бордејн. Неговата љубов за големи авантури, нови пријатели, добра храна и пијалок и неговите неверојатни стории за светот го претворија во уникатен раскажувач. Неговиот талент не престана да нè восхитува и нам многу ќе ни недостига. Нашите мисли и молитви се со неговата ќерка и семејството во овие многу тешки моменти.“
Безживотното тело на Бордејн беше пронајдено во хотелска соба од негов пријател. Причината за смртта е самоубиство со бесење. Во последните денови од животот тој престојуваше во Франција за снимањето на серијата „Parts Unknown“.
Емисиите на Бордејн секогаш беа зачинети со хумор и животни мудрости, а тој со невоздржана страст го покажуваше својот хедонизам.
