Едита Арадиновиќ за првпат се оствари во улогата на мајка.
Познатата српска пејачка на својот профил на Instagram откри дека вчера на свет ја донела ќерката која го доби името Зоиа.
„Ме немаше вчера затоа што се пораѓав, но тука сум, продолжуваме со објави, само малку да застанам на нозе“ – напиша Арадиновиќ на фотографијата на која ги држи малите ноџиња на штотуку родената ќерка.
„Ви благодарам добри луѓе, ова чувство е незаменливо“ – додаде таа.
Бидејќи девојчето е родено точно на преминот од хороскопскиот знак Рак кон Лав, музичарката стави и прашање за нејзините следбеници да ѝ одговорат кој е сега нејзиниот точен хороскопски знак.
Ова е прво дете на пејачката, од врската со поранешното момче Ненад Стевиќ. Иако двојката повеќе не е заедно, Едита претходно изјави дека останале во добри односи бидејќи им е најважно да бидат добри родители на малата Зоиа.
