Шармантна во бело: Анџелина Џоли со три од своите деца на премиерата на новиот филм „Maria“

Анџелина Џоли ја имаше најубавата придружба на премиерата на нејзиниот најнов филм „Maria“ во Њујорк.

49-годишната актерка позираше пред фоторепортерите со три од своите деца. Таа зрачеше со елеганција во бел плисиран фустан покрај 23-годишниот Медокс, 20-годишниот Пакс и 19-годишната Захара.

Во филмот, Анџелина влегува во улогата на покојната оперска пејачка Марија Калас. За време на подготовките, таа посетувала часови по пеење, нешто што ѝ било голема несигурност во животот. Во интервју, таа призна дека нејзин поранешен партнер ѝ имал речено дека не знае да пее, а сега таа се надмина себеси и доби само позитивни критики за глумата.

„Сè уште ми е нереално. Пред неколку дена ми се јавија дека излегува албумот, а мене сè уште не ми се верува. Пеењето ми беше една од најголемите несигурности, сè уште ми е несигурност. Но, среќна сум што можев да ги имам сите тие часови, што можев да учам, да бидам тренирана и поддржувана.“

„Всушност, ги охрабрувам сите. Ако мислите дека не можете да пеете или ако никогаш не сте пробале, едноставно одете на час и запејте на цел глас барем еднаш во животот. Тоа ти дава многу големо ослободување“ – рекла таа.

Медокс, Захара и Пакс се посвоени деца на Џоли. Таа има уште три биолошки деца од бракот со поранешниот партнер Бред Пит.