Шармантна трудница: Дариа Стефановска стапи во брак со Мандар, позираше со пораснатото стомаче

Дариа Стефановска стапи во брак со Васил Мандаровски – Мандар.

Убавата трудница и познатиот македонски јутјубер вљубено позираа за фотографии кои ги споделија на социјалните мрежи. Дариа шармираше во венчаница од Atelier By Sonja&Marija и гордо го истакна своето пораснато трудничко стомаче.

Парот стапи во брак на 30 април, а прослава направи во скопски ресторан. Откако добија бројни честитки, Мандар на сите им се заблагодари со порака на Instagram.

„Ви благодарам на сите за честитките, да сте ми здрави и живи. Не дека беше моја свадба ама дефинитивно беше една од најубавите и највеселите свадби...“ – стои меѓу другото во пораката.

Стефан Лазаров беше кум на свадбата и сподели фотографии и видеа од младенците.

Дариа и Васил се заедно околу две години.