Празничната сезона пристигна во САД, па подготовките започнаа и во Вашингтон.
Следејќи ја традицијата, Доналд Трамп вчера помилува две мисирки во Белата куќа. На настанот по повод Денот на благодарноста, присуствуваше и неговото семејство.
Меланија шармираше во комбинација со есенски нијанси. Нејзиниот стајлинг вклучуваше цветно палто од Стела Мекартни, портокалова ролка од Викторија Бекам, кожено здолниште од Ерв Пјер и обувки од Маноло Бланик.
Еден ден претходно, првата дама на САД заедно со 11-годишниот син Барон ја пречекаа огромната елка која ќе има централно место во декорациите во Белата куќа.
За таа пригода Меланија носеше карирано палто од Келвин Клајн, чизми од Викторија Бекам и ролка од кашмир со потпис на Ралф Лорен.
