Шармантна принцеза: Кетрин отмена во складен фустан со ќерката Шарлот, ѝ оддаде почит на Лејди Ди

Пет месеци откако објави дека ракот е во ремисија, принцезата Кетрин им се придружи на останатите членови од британското семејство на „Trooping the Colour“.

На парадата во Лондон, 43-годишната принцеза изгледаше отмено во син палто-фустан од Кетрин Вокер и шапка од Џулиет Ботерил. Стајлингот на Кетрин беше во иста боја како фустанчето на малата принцеза Шарлот.

Со својот моден избор, Кетрин ѝ оддаде почит на покојната Лејди Ди, мајката на нејзиниот сопруг Вилијам и на принцот Хари.

Пред 37 години, принцезата Дијана мамеше погледи со сличен изглед на балконот од Бакингемската палата. На фотографиите од 1988 година и таа носи складна облека со своето дете, принцот Хари.