Шармантна и во шестата деценија од животот: Нина Бадриќ го објави новиот албум „Moji ljudi“

По 15 години пауза, Нина Бадриќ сними нов студиски албум насловен „Moji ljudi“. 

53-годишната хрватска музичка дива направи промоција во хотелот Amadria Park Capital во Загреб, во присуство на блиски соработници, пријатели и колеги од музичката сцена.

Нина шармираше во сива модна комбинација која ја искомбинира со бела кошула и впечатлив ремен со леопардски дезен, додека во рацете гордо ги држеше примероците од новото издание.

Албумот претставува ново поглавје во тридецениската кариера на пејачката и, како што самата истакна, е одраз на нејзината зрелост и благодарност кон публиката која растела со нејзината музика. 

Денес е голем ден за мене!

По 15 години го објавив новиот албум „Moji ljudi“.

Новите песни од денес го започнуваат својот нов живот и ве молам бидете нежни 😁😊

Како што доликува, го прославив во прекрасно друштво со сите мои колеги, пријатели, музичари, медиуми, продуценти, аранжери, инструменталисти, тонци и дискографи.

Ви благодарам на сите што најдовте време да дојдете и да ми го разубавите овој посебен ден 🙏

Среќна сум и благодарна што сè уште го имаме тоа наше заедништво ❤️ - напиша Нина.

Албумот веќе беше најавен со успешните синглови „Alive“ и емотивната „Moj rodni grad“, посветена на Загреб.