Шарлиз Терон во шик стајлинг и цветна маска на ручек со двете деца во Малибу

По изолацијата, Шарлиз Терон ги одведе своите деца на ручек во Малибу. 44-годишната актерка беше видена со синот Џексон и ќеркичката Огуст додека се упатуваа во ресторанот „Nobu“.

Шармантната актерка изгледаше модено и шик во црна комбинација со бели патики. За сопствена заштита, Шарлиз носеше цветна маска.

Во изминатите неколку години, Терон беше критикувана што му дозволува на својот син да се облекува како девојче, па минатата година таа изјави дека Џексон е трансродово девојче.

„Да, и јас мислев дека е момче. Додека еден ден не ме погледна, кога имаше три години, и рече: ‘Не сум момче’. Тие се родени кои што се и и двајцата се на овој свет за да се пронајдат себеси додека растат, да дознаат кои сакаат да бидат, не е мое да одлучувам за тоа“ – рекла Терон.

Шарлиз го посвои Џексон во март 2012 година, а Огуст во јули 2015 година.