Шарлиз Терон во фустан од Диор на премиера на „Tully“ откако зборуваше за здебелувањето за филмот
Шарлиз Терон грациозно се движеше по црниот тепих на премиерата на нејзиниот нов филм „Tully“ и со шармантна насмевка ги привлекуваше објективите на фоторепортерите.
На свеченоста која се одржа во Лос Анџелес, 42-годишната актерка носеше црна креација со две колоритни пеперутки од Диор.
Во неодамнешно интервју, Шарлиз зборуваше за покачувањето на тежината за филмот. Имено, таа се здебелила над 22 килограми за улогата, што довело до депресија.
„Беше големо изненадување за мене. Депресијата ме удри мошне силно. За првпат во мојот живот јадев толку многу процесирана храна и пиев премногу шеќер. Не бев многу забавна на снимањето на овој филм... Се сеќавам дека морав да поставувам аларм за да се будам сред ноќ за да ја одржувам тежината. Станував и јадев. Тешко е да се одржува таква тежина“ - изјави таа.
Славната актерка сподели и дека враќањето во форма ѝ било кошмарно искуство и дека траело околу година и половина.
„Без загрижена зашто за Monster не јадев грицки пет дена и веднаш се вратив во форма. Знаете, телото на 27 години е малку поинакво од телото на 43 и мојот доктор се погрижи да го сфатам тоа. Ми рече дека имам 42 години и да се смирам, дека не умирам, дека сè е во ред“ - раскажа таа.
