Шарлиз Терон е новиот негативец во осмото продолжение на „Fast & Furious“, па има главна улога во промотивната турнеја на филмот.
41-годишната актерка ја разубави премиерата на „The Fate of the Furious“ во Париз. Како долгогодишно заштитно лице на Кристијан Диор, таа и овој пат избра креација од популарната француска модна куќа.
Модерниот црн костум таа го искомбинира со впечатливи летни чизмички од Кристијан Лобутин.
Меѓу присутните беше и нејзиниот колега Вин Дизел.
Непосредно по париската премиера, Шарлиз ја продолжи турнејата во Мадрид, каде се појави во шармантна комбинација со блуза од Гучи.
