Шарлиз Терон се вброи меѓу дамите кои беа удостоени со титулата „Жена на годината“ на списанието Glamour.
44-годишната актерка позираше на црвениот тепих во префинета бела креација од Живанши, а на сцената одржа краток говор откако ја прифати статуетката.
„Раскажете ја вашата сторија. Гордејте се со неа. Не грижете се да им се допаднете на сите. Невозможно е тоа. Мијте си го лицето, дури и кога сте уморни навечер. Преземајте ризици. Зрачете со емпатија. Борете се за промена. Затоа што луѓето, особено девојките, имаат моќ да прават промени. А кога сме кај девојките, поради нив го правам ова. За моите девојчиња – Џексон и Оги. Поради нив никогаш нема да престанам да се борам. А за мајка ми, фала ти што си пример за да го следиме јас и моите девојчиња. Мајка ми ќе биде моја Жена на годината засекогаш“ - рече таа.
