Сараевчанката Нада Рудан започна да слика на 87 години и го одбележа 100-тиот роденден со изложба
Запознајте ја Нада Рудан – инспиративна жена од Сараево која неодамна го прослави 100-тиот роденден со своја прва уметничка изложба.
Талентираната Босанка започнала да слика на 87-годишна возраст и вели дека инспирацијата за своите дела ја црпи од природата.
До својата 85-та година, Нада работела како кројачка, а во последниве години патува и активно слика. Таа зрачи со позитивност и ведрина.
„Не знам во животот мене да ми било досадно“ – вели Нада.
Ова лето, нејзините деца ја наговориле да направи изложба по повод нејзиниот
Кога ќе ги погледнете нејзините дела ќе се согласите дека се работи за скромност и голем ликовен талент.
Нада секојдневно слика по 5 часа дневно – 3 часа наутро, 2 часа попладне. Таа има слободен дух и добро здравје, но и љубовта кон патувањето ѝ помага да биде исклучителна и отворена личност.
„Не сакам да им бидам товар на моите деца. Се трудам да живеам мирен живот, без нервози, прво ги промислувам работите, а потоа делувам“ – вели Нада.
По смртта на нејзиниот сопруг во 1999 година, таа ги посетила САД, Централна Америка, повеќе европски држави, хавајските вулкани и пирамидите во Мексико.
Рудан има насликано многу слики, но себеси се смета за аматерка. Се гордее што на нејзината изложба дошле сите членови на нејзиното семејство, пријателите и соседите.
Благодарна е дека ја служат очите и рацете и покрај возраста.
„Во животот мора да бидете позитивни и да се надевате на најдоброто, за сè има решение“ – заклучува таа.