Сара Мејс и Димитар Атанасовски се на семејно патување во Холандија.
Познатиот македонски пар уживаше во убавините на популарното селце Гиторн, а го посети и градот Хатем. Заедно со нив на гости кај сестрата на Димитар се и нивните две мали деца, ќеркичката Илина и синот Кирил.
Сара сподели албум со фотографии од Гиторн, а на социјалните мрежи го изрази своето одушевување од селцето познато и како „Венеција на Холандија“, затоа што во стариот дел од него не постојат патишта и улиците се всушност канали. Холандската туристичка атракција има околу 2.600 жители и за нивните потреби се изградени повеќе од 180 дрвени мостови.
„Екипата“ – напиша Димитар на фотографијата споделена од него.
