Кога ќе ви дојде преку глава од динамичниот начин на живот и неподносливата градска бучава, време е за кратко бегство во магичното село Гиторн.
Гиторн се наоѓа во Холандија и се нарекува „Венеција на Холандија“ или „Венеција на Северот“, затоа што во стариот дел од идиличното селце не постојат патишта и улиците се всушност канали.
Холандската туристичка атракција има околу 2.600 жители и за нивните потреби се изградени повеќе од 180 дрвени мостови.
На официјалниот сајт на Гиторн пишува дека во овој дел владее мир и тишина и дека „најгласниот звук кој нормално може да се слушне е квакањето на патка или звуци од други птици.“
Бајковитото село изобилува со зеленило и стари градби во стилот на 18-тиот век, а секоја од нив доаѓа со добро зачувана и одржана градина.
Разгледувањето на ова магично место е возможно само со чамец или брод.
