Сара Џесика Паркер во виолетова креација од Оскар де ла Рента подигна награда за својот бренд за обувки
Сара Џесика Паркер е успешна на многу полиња. Последното признание за нејзината работа беше наградата која ја доби за својот бренд за обувки.
На доделувањето на модните награди на Daily Front Row во Њујорк, 58-годишната ѕвезда од „Сексот и градот“ го прими признанието Бренд за обувки на годината.
Актерката, позната по улогата на Кери Бредшо, си играше со боите додека го склопуваше својот стајлинг. За свеченоста, таа избра виолетова креација од Оскар де ла Рента и жолти салонки од сопствената колекција.
Синоќа, Сара Џесика беше гостинка на летната забава на ATG во Кенсингтонската палата во Лондон. За таа прилика, славната актерка избра креација со висок шлиц од Ели Сааб.
