По огромниот успех кој го постигна со „Bird Box“, Сандра Булок сними нова драма за Netflix. Станува збор за филмот „The Unforgivable“, во кој таа ја има главната улога.
На премиерата која се одржа во Лос Анџелес, 57-годишната актерка се појави во блескав комбинезон со долги ракави од Стела Мекартни и црно смокинг сако.
Во драмата „The Unforgivable“, Булок влегува во улогата на Рут, жена осудена за убиство, која по излегувањето од затвор се обидува да ја пронајде својата помала сестра.