Хајди Клум ужива во топлите летни денови во друштво на две од своите деца.
53-годишната манекенка се релаксираше на јахта, пловејќи околу францускиот остров Св. Вартоломеј, познат како Сент Бартс, заедно со ќерката Лени и синот Хенри.
На папараци фотографиите, Клум ѝ позираше на Лени, која чекори по стапките на мајка си во модната индустрија.
Познатиот супермодел во изминатиов период беше мета на многу коментари за нејзината тежина. Додека многумина ја возвишуваат што е природна и остана рамнодушна на Оземпик трендот, други постојано ги акцентираат во негативен контекст промените во изгледот.
Славната Германка сподели дека зголемената тежина е резултат на менопауза:
„Многумина коментираат 'таа е премногу дебела или бремена', но јас не сум бремена. Само сум малку подебела сега. Тоа е менопаузата“.
Хајди, која е во брак со Том Каулиц, е мајка на четири деца. 22-годишната Лени ја доби од врската со Флавио Бриаторе, а со поранешниот сопруг Сил ги има Хенри, Јохан и Лу.