Самоука дизајнерка ги објави фустаните кои ги креираше во 2020 година, доби бројни комплименти

Слободно може да се каже дека Сара Хембли поседува талент за дизајн.

Самоуката дизајнерка научила да шие од мајка си, а се надградувала со помош на YouTube и Pinterest туторијали. И покрај тоа што се занимава со креирање само 4 години, Сара создава креации кои се достојни дури и за ликовите на Дизни.

Пред неколку дена, таа сподели дека во 2020 година создала 113 фустани и објави фотографии од нив. Нејзината колекција брзо стана вирален хит и ѝ донесе повеќе од 330 илјади лајкови и над 2 илјади коментари полни со пофалби за нејзината работа.

Од црна венчаница која невестата никогаш не си ја зела бидејќи свадбата ѝ била откажана, до креации инспирирани од „Хари Потер“... Погледнете ги делата кои Сара самата ги создава и кои се уникатни сами по себе:

„Вообичаено, кога ќе завршам некој фустан, го фотографирам и им го издавам на други фотографи да го користат. Но, поради пандемијата немав шанса да фотографирам колку што сакам, па ги задржав сите за кога ќе можам да ги изложам соодветно“ – вели таа.