Шакира е ѕвездата од септемвриското издание на „Hola“. 40-годишната пејачка сними фотосесија за познатото списание и зборуваше за мајчинството и за Жерар Пике.
Во интервјуто, славната Колумбијка изјавила дека за да ги заврши сите обврски во денот, ѝ се потребни 32, а не 24 часа. „Сметам дека сите жени се соочуваат со истата ситуација. Порано бев центарот на мојот свет, а сега сум само сателит на моите деца“ – рекла таа.
„Тоа е најтешката работа која сум ја имала. Никогаш не мислев дека ќе биде толку тешко, бидејќи одзема многу енергија. Постојано мислам на семејството, загрижена сум за нив по цел ден. Тоа ме исцрпува физички, емоционално и интелектуално“ – додала популарната пејачка, која е мајка на 4-годишниот Милан и 2-годишниот Саша.
Шакира зборувала и за плановите да се откаже од својата музичка кариера, бидејќи снимањето на нов музички албум ѝ изгледало претешко, а реализацијата ја споредила со искачување на Монт Еверест.
„Ова се нештата кои ти минуваат низ главата навечер, но затоа секој има семејство кое се грижи за него и му помага повторно да застане цврсто на нозе. Му благодарам на Бога што го пронајдов тој стимул повторно, бидејќи сега, повеќе отсекогаш, сакам да пеам и да одам на турнеи“ – додала Шакира.
Музичката ѕвезда зборуваше и за својот партнер Жерар Пике и како ги балансираат семејниот живот и нивните успешни кариери. „Го правиме најдоброто што можеме. Имаме многу љубов, а тоа е основата на секое семејство. Мораш да се грижиш и да му посветуваш внимание и време. Семејството е најважното нешто за мене“ – објаснила Шакира.
Шакира сними и фотосесија за „Harper's Bazaar“.
