Шакира со синовите во сини стајлинзи пееја и си разменуваа нежни бакнежи на концертот во Аргентина
Шакира ги изненади аргентинските фанови.
48-годишната пејачка го отвори својот концерт со песната „Acróstico“, која ја има снимено со своите деца по разделбата од Жерар Пике. Но, наместо тие да се појават на големиот екран како вообичаено, таа ги доведе на сцената во Буенос Аирес.
Славната музичарка и нејзините синови Саша и Милан беа облечени во сини стајлинзи и заедно пееја пред среќната публика.
Двете момчиња нежно ја бакнуваа мајка си за да покажат колку многу ја сакаат и дека, како што се вели во песната, „само сакаат да ја видат среќна“.
Видео
Шакира и Пике започнаа да се состануваат во 2011 година, а се запознаа за време на снимањето на спотот за „Waka Waka (This Time for Africa)“ за СП во 2010 година. Нивниот поголем син Милан се роди во јануари 2013, а Саша во јануари 2015 година.
